Til baka
12 Feb 2025

Fjölbreyttur febrúar

Það er nóg um að vera það sem eftir lifir febrúar í Hofi og Samkomuhúsinu. Gestasýningarnar Fúsi og Óbærilegur léttleiki knattspyrnunar eru ólíkar en báðar mjög skemmtilegar á sinn hátt. Raftónlistarlistamaðurinn Spacement er ungur tónlistarmaður á Akureyri sem vert er að veita athygli og svo verður Led Zeppelin ein stærsta hljómsveit rokksögunnar heiðruð á tvennum tónleikum af frábæru listafólki í Hofi.

Fúsi sló í gegn á sýningunum sem voru settar upp hjá Leikfélagi Akureyrar fyrstu helgina í febrúar. Hann ásamt fríðu föruneyti leikara náði að kalla fram allar þær tilfinningar sem gott leikhús getur kallað fram. Viðbrögð við sýningunum voru slík að bætt var við aukasýningu og eftir að sú sýning seldist upp var bætt við auka aukasýningu.

Fimmtudaginn 20. Febrúar og föstudaginn 21. Febrúar verður leikurinn endurtekinn og stefnir í húsfylli báða dagana.

LEIKARAR: Sigfús Sveinbjörn Svanbergsson, Agnar Jón Egilsson, Halldóra Geirharðsdóttir, Bergur Þór Ingólfsson og Egill Andrason​

Í lok mánaðar kemur gestasýningin Óbærilegur léttleiki knattspyrnunnar í Samkomuhúsið.

Þessi sýning hefur slegið í gegn í borginni og hefur áhugafólk um knattspyrnu jafnt við þau sem engan áhuga hafa á knattspyrnu skemmt sé konunglega. Sögusviðið er sófinn þar sem Doddi, ný fráskilinn og Óli Gunnar yngri bróðir hans ásamt kærasta barnsmóður Dodda og söngvaranum Valdimar lenda í óútreiknanlegri atburðarás sem spannar 90 mínútur.

LEIKARAR: Albert Halldórsson, Ólafur Ásgeirsson, Starkaður Pétursson, Sveinn Ólafur Gunnarsson og Valdimar Guðmundsson​

Fös. 28. feb. kl. 20.00

Lau. 1. mars. kl. 20.00

Fyrsti viðburður ársins sem styrktur er af Verðandi liststjóði er Kærleikur og kvíði, útgáfutónleikar með raftónlistar-listamanninum Spacement (Agnar Forberg). Kærleikur og kvíði er önnur plata listamannsins Spacement. Lögin eru fjölbreytileg með alls konar þemu, allt frá fuglasöng til ástarsorgar og alls konar þar á milli. Platan hefur verið í smíðum í nokkur ár.

VERÐANDI er listsjóður er samstarfsverkefni Akureyrarbæjar, Menningarfélagsins Hofs og Menningarfélags Akureyrar.

Fös. 28. feb kl. 20.00

Led Zeppelin er af mörgum talin ein áhrifamesta rokkhljómsveit allra tíma. Þeir eru meðal mest seldu listamanna heimsins og hafa selt um 300 milljón platna á heimsvísu. Allar níu stúdíóplötur sveitarinnar komust á topp 10 á Billboard vinsældalistanum og 6 þeirra alla leið í fyrsta sæti. Á þessum heiðurstónleikum spila The Vintage Caravan, ein kraftmesta tónleikasveit landsins, ásamt Matta Matt, Eyþóri Inga, Stefaníu Svavars og Degi Sigurðssyni bestu lög þessarar frábæru hljómsveitar.

Lau. 1. mars kl. 17.00 & 20.00

Deildu þessari færslu:

Tengdar bloggfærslur

9 Nov 2026
Stór upptökuhelgi að baki hjá SinfoniaNord

Tónlist fyrir fjórðu þáttaröð sjónvarpsþáttanna Silo og framhald teiknimyndarinnar Lói, þú flýgur aldrei einn var hljóðrituð í Hofi um helgina. SinfoniaNord sinnti þar tveimur alþjóðlegum verkefnum á þremur dögum. Föstudaginn 6. nóvember tók hljómsveitin upp tónlist eftir Atla Örvarsson fyrir fjórðu og síðustu þáttaröð Silo. Þessir vinsælu vísindaskáldsöguþættir Apple TV skarta Rebeccu Ferguson í aðalhlutverki

4 Nov 2026
Upplausn og blómgun – opnun myndlistarsýningar í Hofi

Myndlistakonan María Sigríður Jónsdóttir opnar sýningu sína Upplausn og blómgun laugardaginn 7. nóvember kl. 15 í Hofi. María Sigríður er fædd á Akureyri og stundaði myndlistarnám viðRíkisakademíuna í Flórens á árunum 1994-1998. María býr á Ítalíu og starfar þar á eigin vinnustofu í Sinalunga, Toskana, þar sem hún sækir innblástur í umhverfi sitt og tengingu

27 Oct 2026
Þrír uppseldir viðburðir í Hofi næstu helgi

Það verður tónlistarveisla í Menningarhúsinu Hofi á Akureyri um komandi helgi, 31. október og 1. nóvember, þegar Hamraborg þrífyllist af fólki. Alls er gert ráð fyrir um 1.500 gestum á þrenna tónleika. Laugardagskvöldið 31. október stígur hljómsveitin Nýdönsk á svið með tónleikana Fullkomið farartæki. Mikil eftirspurn hefur verið eftir tónleikunum og er nú nánast uppselt.

Secret Link