Til baka
28 Apr 2023

Löng, fjölbreytt og skemmtileg helgi framundan

Framundan er löng, fjölbreytt og skemmtileg helgi hjá Menningarfélaginu. 

Allra síðustu sýningarnar af Chicago fara fram í Samkomuhúsinu og það er aðeins  einn miði laus þegar þetta er skrifað. Þetta hefur heldur betur verið skemmtilegt tímabil sem nú er að ljúka!

Í kvöld fer fram dansverkið Byrja (bíb) búið í Black box í Hofi. Verkið fjallar um kóreógrafíu hversdagsleikans og spyr, hver má hreyfa sig, hvernig, hvar og hvenær? Viðburðurinn er styrktur af VERÐANDI liststjóði sem er samstarfverkefni Akureyrarbæjar, Menningarhússins Hofs og Menningarfélags Akureyrar. Miðasala er í fullum gangi á mak.is. 

Á morgun, laugardag, opnar samsýningin 10+ í Hamragili í Hofi. Sýningin er í tilefni rúmlega tíu ára afmæli Kistu í Hofi en þar munu listakonur sýna sem verið hafa á vegi Katrínar Árnadóttur, eiganda Kistu, í gegnum tíðina. Opnunin er klukkan 14 en sýningin stendur til 22. maí. 

Á sunnudaginn vendum við okkar kvæði í kross en þá er komið að Íslandsmótinu í fitness. Um 40 keppendur stíga á svið og keppa í fitnessflokkum karla og kvenna, módelfitness, vaxtarrækt og sportfitness. Miðasala á mak.is. 

Eftir kröfugönguna 1. maí verður hátíðardagskrá í Hofi að venju. Kristín Konráðsdóttir, félagsmaður í Sameyki flytur ávarp 1. maínefndar stéttarfélaganna, Þórarinn Eyfjörð formaður Sameyki flytur hátíðarræðu en um skemmtidagskrána sér Bryndís Ásmundsdóttir auk þess Leikfélag Menntaskólans á Akureyri býður upp á söng og gleði. Kaffiveitingar að lokinni dagskrá. 

Deildu þessari færslu:

Tengdar bloggfærslur

4 Nov 2026
Upplausn og blómgun – opnun myndlistarsýningar í Hofi

Myndlistakonan María Sigríður Jónsdóttir opnar sýningu sína Upplausn og blómgun laugardaginn 7. nóvember kl. 15 í Hofi. María Sigríður er fædd á Akureyri og stundaði myndlistarnám viðRíkisakademíuna í Flórens á árunum 1994-1998. María býr á Ítalíu og starfar þar á eigin vinnustofu í Sinalunga, Toskana, þar sem hún sækir innblástur í umhverfi sitt og tengingu

27 Oct 2026
Þrír uppseldir viðburðir í Hofi næstu helgi

Það verður tónlistarveisla í Menningarhúsinu Hofi á Akureyri um komandi helgi, 31. október og 1. nóvember, þegar Hamraborg þrífyllist af fólki. Alls er gert ráð fyrir um 1.500 gestum á þrenna tónleika. Laugardagskvöldið 31. október stígur hljómsveitin Nýdönsk á svið með tónleikana Fullkomið farartæki. Mikil eftirspurn hefur verið eftir tónleikunum og er nú nánast uppselt.

15 Oct 2026
Menningarfélag Akureyrar hlýtur viðurkenningu Jafnvægisvogarinnar 2026

Menningarfélag Akureyrar hefur hlotið viðurkenningu Jafnvægisvogarinnar 2026 fyrir að hafa náð markmiði um kynjajafnvægi í efsta stjórnendalagi. Þetta er ekki einungis áfangi heldur staðfesting á þeirri vegferð sem stjórnendur Menningarfélagsins hafa verið á, sem er að skapa vinnustað þar sem allir hafa jöfn tækifæri til að vaxa, leiða og hafa áhrif. Jafnvægisvogin er hreyfiaflsverkefni á

Secret Link