Til baka
9 Dec 2019

Nemendur Leiklistarskólans sýndu afrakstur haustsins

Nemendur Leiklistarskóla Leikfélags Akureyrar sýndu afrakstur haustsins fyrir vini og vandamenn í Samkomuhúsinu um helgina. Tæplega 70 krakkar sýndu sjö leiksýningar og stóðu allir nemendur sig með mikilli prýði, sem heyra mátti á fagnaðarlátunum eftir hvern hóp. 

Yngsta stigið, 2.-3. bekkur, vann með Jólasveinavísur Jóhannesar úr Kötlum og var aðalmarkmiðið að efla samvinnu og sköpunargáfu. Annað stigið, 4.-5. bekkur, sviðsetti ævintýrið um Hans hugprúða en í þeirra útgáfu fjallaði það um hugrökk systkini sem fara í ferðalag í leit að hræðslu. 

Þriðja stigið, 6.-7. bekkur, vann með fýsík á sviði og tóku þau atriði og hópsöng úr Nightmare Before Christmas, eða Jólamartröð, þar sem fram koma ýmsar kynjaverur og mikið um samhæfingu í hreyfingum. Elsta stigið, nemendur 8.-10. bekkjar, vann með lengri verk og sýndu fullbúnar sýningar.

Jenný Lára Arnórsdóttir, skólastjóri LLA, er ánægð með afrakstur annarinnar. „Það er svo gaman og gefandi að sjá muninn á því hvernig krakkarnir eru í byrjun annar, oft feimin og óörugg, og sjá þau svo blómstra á lokasýningunum,” segir Jenný Lára sem segir mikinn metnað varðandi skólann. 

„Við erum alltaf að vinna í því að breyta og bæta og má segja að vinna sem unnin hefur verið núna síðasta árið hafi skilað sér í þessum sýningum. Allur dagurinn gekk snurðulaust fyrir sig og ekki annað að heyra en nemendur, foreldrar og starfsfólk skólans og leikfélagsins hafi verið himinsæl eftir daginn.“

Skráningar fyrir vorönn skólans hefjast 18. desember næstkomandi og er fólk hvatt til að fylgjast með því á www.mak.is.

 

Deildu þessari færslu:

Tengdar bloggfærslur

9 Nov 2026
Stór upptökuhelgi að baki hjá SinfoniaNord

Tónlist fyrir fjórðu þáttaröð sjónvarpsþáttanna Silo og framhald teiknimyndarinnar Lói, þú flýgur aldrei einn var hljóðrituð í Hofi um helgina. SinfoniaNord sinnti þar tveimur alþjóðlegum verkefnum á þremur dögum. Föstudaginn 6. nóvember tók hljómsveitin upp tónlist eftir Atla Örvarsson fyrir fjórðu og síðustu þáttaröð Silo. Þessir vinsælu vísindaskáldsöguþættir Apple TV skarta Rebeccu Ferguson í aðalhlutverki

4 Nov 2026
Upplausn og blómgun – opnun myndlistarsýningar í Hofi

Myndlistakonan María Sigríður Jónsdóttir opnar sýningu sína Upplausn og blómgun laugardaginn 7. nóvember kl. 15 í Hofi. María Sigríður er fædd á Akureyri og stundaði myndlistarnám viðRíkisakademíuna í Flórens á árunum 1994-1998. María býr á Ítalíu og starfar þar á eigin vinnustofu í Sinalunga, Toskana, þar sem hún sækir innblástur í umhverfi sitt og tengingu

27 Oct 2026
Þrír uppseldir viðburðir í Hofi næstu helgi

Það verður tónlistarveisla í Menningarhúsinu Hofi á Akureyri um komandi helgi, 31. október og 1. nóvember, þegar Hamraborg þrífyllist af fólki. Alls er gert ráð fyrir um 1.500 gestum á þrenna tónleika. Laugardagskvöldið 31. október stígur hljómsveitin Nýdönsk á svið með tónleikana Fullkomið farartæki. Mikil eftirspurn hefur verið eftir tónleikunum og er nú nánast uppselt.

Secret Link