Til baka
6 May 2024

Sirkusnámskeið með Húlladúllunni fyrir krakka í 6.-10.bekk

Húlladúllan og Leiklistarskóli Leikfélags Akureyrar bjóða upp á sérstakt sirkusnámskeið fyrir krakka í 6.-10. bekk dagana 10. til 14. júní. Á námskeiðinu læra þátttakendur grunnatriði ýmissa sirkuslista og þjálfa sviðsframkomu og atriðagerð, sér í lagi hvað varðar trúðinn.

Nemendur munu húlla húllahringjum, læra að djöggla slæðum, boltum, hringjum og jafnvel keilum, dansa með fimleikaborða, leika okkur að blómaprikum og kínverskum jójóum, læra sirkusfimleika og akró, vagga á veltibrettum, halda jafnvægi á töfrafjöðrum og leika kúnstir með kínverska snúningsdiska og levi-prik. Einnig læra krakkarnir að nota bæði venjuleg poi og sérstök ljósapoi.

Áhersla er lögð á sköpunargleði, samvinnu og umhyggju fyrir félögum okkar og það að þátttakendur uppgötvi og njóti eigin styrkleika. Sirkuslistirnar styrkja líkamlega getu, jafnvægi og liðleika en þroska líka einbeitingu, styrkja sjálfsmynd og kveikja í ímyndunarafli og sköpunargleði.

Húlladúllan er sjálfstætt starfandi sirkuslistakona, búsett á Ólafsfirði. Hún er lærður sirkuskennari og hefur kennt og sýnt með Sirkus Íslands og breska sirkusnum Let’s Circus auk þess að koma fram á ýmsum viðburðum á alþjóðlegri grundu. Hún hefur einnig verið áberandi í kabarettsenunni og er einn stofnanda Reykjavíkur Kabaretts auk þess að hafa komið reglulega fram í dragsenunni, sér í lagi með Drag-Súgi.

Skráning fer fram hér á Sportabler.

Deildu þessari færslu:

Tengdar bloggfærslur

17 Nov 2026
Jólailmur í Hofi á sunnudaginn!

Sunnudaginn 22. nóvember mun árlega hönnunar- og handverkshátíðin Jólailmur fara fram í Menningarhúsinu Hofi frá kl. 12-19. Hátíðin hefur fest sig í sessi undanfarin ár og notið mikilla vinsælda meðal bæjarbúa og gesta. Yfir 30 þátttakendur taka þátt í hátíðinni í ár og verður boðið upp á fjölbreytt úrval af fallegri hönnun, handverki og ljúffengum

9 Nov 2026
Stór upptökuhelgi að baki hjá SinfoniaNord

Tónlist fyrir fjórðu þáttaröð sjónvarpsþáttanna Silo og framhald teiknimyndarinnar Lói, þú flýgur aldrei einn var hljóðrituð í Hofi um helgina. SinfoniaNord sinnti þar tveimur alþjóðlegum verkefnum á þremur dögum. Föstudaginn 6. nóvember tók hljómsveitin upp tónlist eftir Atla Örvarsson fyrir fjórðu og síðustu þáttaröð Silo. Þessir vinsælu vísindaskáldsöguþættir Apple TV skarta Rebeccu Ferguson í aðalhlutverki

4 Nov 2026
Upplausn og blómgun – opnun myndlistarsýningar í Hofi

Myndlistakonan María Sigríður Jónsdóttir opnar sýningu sína Upplausn og blómgun laugardaginn 7. nóvember kl. 15 í Hofi. María Sigríður er fædd á Akureyri og stundaði myndlistarnám viðRíkisakademíuna í Flórens á árunum 1994-1998. María býr á Ítalíu og starfar þar á eigin vinnustofu í Sinalunga, Toskana, þar sem hún sækir innblástur í umhverfi sitt og tengingu

Secret Link