Til baka
20 Mar 2023

Viltu koma fram í Hofi? Opið fyrir umsóknir í VERÐANDI

Viltu koma fram í Menningarhúsinu Hofi? Viltu frumflytja nýtt tónverk eða sígilda gæðatóna, dansa eða jafnvel leika?

Ekki láta tækifærið til þess að sækja um í listsjóðinn VERÐANDI fram hjá þér fara!

Helstu markmið VERÐANDI eru að auðvelda ungu listafólki og þeim sem standa utan stofnanna að nýta sér þá fyrirmyndar aðstöðu sem Menningarhúsið Hof hefur uppá að bjóða, stuðla að fjölbreytileika í listviðburðum í húsinu og nýta möguleika þess sem best. Sjóðurinn veitir styrki til kostnaðar vegna afnota af salarkynnum, tæknibúnaði, tækniþjónustu og framhúsi ásamt kynningu framan á húsinu.

Styrkþegar VERÐANDI eru orðnir 34 á síðastliðnum fjórum árum og má nefna Idol stjörnurnar Birki Blæ og Einar Óla, Marínu Ósk, Alexander Edelstein, Fanneyju Snjólaugar-Kristjánsdóttur, Þóru Kristínu Gunnarsdóttur, Jón Þorsteinn Reynisson, Jónínu Björt Gunnarsdóttur, hljómsveitina Miomantis, Gospelraddir Akureyrar, Kammerhópinn Bjargir, leikhópurinn Spritz og Viktoríu Sigurðardóttur.

Viðburðirnir hafa verið af ýmsum toga s.s. tónleikar, dansverk og leikverk og hafa sum þeirra verið frumsamin, en önnur þekkt. Það er því óhætt að segja styrkþegar VERÐANDI hafi með viðburðum sínum aukið enn á fjölbreytt listalíf, ekki bara hússins heldur líka bæjarins.

VERÐANDI er samstarfsverkefni Akureyrarbæjar, Menningarfélagsins Hofs og Menningarfélags Akureyrar sem kallar eftir umsóknum fimmta árið í röð, nú fyrir starfsárið 2023-2024.

Umsóknarfrestur er til og með 10. apríl. Sótt er um rafrænt á heimasíðu Menningarfélags Akureyrar; mak.is

Deildu þessari færslu:

Tengdar bloggfærslur

9 Nov 2026
Stór upptökuhelgi að baki hjá SinfoniaNord

Tónlist fyrir fjórðu þáttaröð sjónvarpsþáttanna Silo og framhald teiknimyndarinnar Lói, þú flýgur aldrei einn var hljóðrituð í Hofi um helgina. SinfoniaNord sinnti þar tveimur alþjóðlegum verkefnum á þremur dögum. Föstudaginn 6. nóvember tók hljómsveitin upp tónlist eftir Atla Örvarsson fyrir fjórðu og síðustu þáttaröð Silo. Þessir vinsælu vísindaskáldsöguþættir Apple TV skarta Rebeccu Ferguson í aðalhlutverki

4 Nov 2026
Upplausn og blómgun – opnun myndlistarsýningar í Hofi

Myndlistakonan María Sigríður Jónsdóttir opnar sýningu sína Upplausn og blómgun laugardaginn 7. nóvember kl. 15 í Hofi. María Sigríður er fædd á Akureyri og stundaði myndlistarnám viðRíkisakademíuna í Flórens á árunum 1994-1998. María býr á Ítalíu og starfar þar á eigin vinnustofu í Sinalunga, Toskana, þar sem hún sækir innblástur í umhverfi sitt og tengingu

27 Oct 2026
Þrír uppseldir viðburðir í Hofi næstu helgi

Það verður tónlistarveisla í Menningarhúsinu Hofi á Akureyri um komandi helgi, 31. október og 1. nóvember, þegar Hamraborg þrífyllist af fólki. Alls er gert ráð fyrir um 1.500 gestum á þrenna tónleika. Laugardagskvöldið 31. október stígur hljómsveitin Nýdönsk á svið með tónleikana Fullkomið farartæki. Mikil eftirspurn hefur verið eftir tónleikunum og er nú nánast uppselt.

Secret Link